Айни кунларда Ангор туманида баҳорги ободонлаштириш ва кўкаламзорлаштириш ишлари жадал суръатда амалга оширилмоқда. Маҳаллалар, кўчалар ва жамоат ҳудудларини янада кўркам қилиш мақсадида кенг кўламли ишлар олиб борилмоқда.

Бугун Сурхондарё вилояти ҳокими Улуғбек Қосимов Ангор туманида бўлиб, ободонлаштириш, "яшил" ҳудудлар барпо этиш бораси олиб борилаётган ишлар билан танишди.

Дастлаб, "Амударё" массивидаги "Равноқ Гроп" МЧЖ томонидан 165 гектар майдонда ташкил этилаётган саноатлашган боғ майдонида амалга оширилаётган ишлар кўздан кечирилди.

Шундан сўнг, "Замин Ангор кластер" МЧЖга қарашли 10 гектарлик майдонда 2025-йил ҳосили учун чигит экишга ер тайёрлаш ва экиш ишларининг бориши билан танишди.