Viloyat hokimi hududlarda

Ayni kunlarda Angor tumanida bahorgi obodonlashtirish va ko‘kalamzorlashtirish ishlari jadal sur’atda amalga oshirilmoqda. Mahallalar, ko‘chalar va jamoat hududlarini yanada ko‘rkam qilish maqsadida keng ko‘lamli ishlar olib borilmoqda.

Bugun Surxondaryo viloyati hokimi Ulug‘bek Qosimov Angor tumanida bo‘lib, obodonlashtirish, "yashil" hududlar barpo etish borasi olib borilayotgan ishlar bilan tanishdi.

Dastlab, "Amudaryo" massividagi "Ravnoq Grop" MCHJ tomonidan 165 gektar maydonda tashkil etilayotgan sanoatlashgan bog‘ maydonida amalga oshirilayotgan ishlar ko‘zdan kechirildi.

Shundan so'ng, "Zamin Angor klaster" MCHJga qarashli 10 gektarlik maydonda 2025-yil hosili uchun chigit ekishga yer tayyorlash va ekish ishlarining borishi bilan tanishdi.