“Дунёдаги қадимий ва бой тиллардан бири бўлган ўзбек тили халқимиз учун миллий ўзлик ва мустақил давлатчилик тимсоли, бебаҳо маънавий бойлик, мамлакатимизнинг сиёсий-ижтимоий, маънавий-маърифий тараққиётида ғоят муҳим ўрин эгаллаб келаётган буюк қадриятдир”.       
Ш.М.Мирзиёев

Азалдан ўзбек тили жуда ҳам бой тил бўлиб унинг тарихи неча юз минг йиллик тарихга бориб тақалади.Тил нафақат муомала воситаси-балки халқнинг маданиятини,урф одатларини унинг турмуш тарзи, тарихидир.Турли халқларнинг тилларига ҳурмат эса ўз навбатида ўзаро тушунишга, мулоқотларга имконият яратилади.Тил миллатнинг ўзлигини белгиловчи, қалбларни бирлаштирувчи ва маданиятни бойитувчи энг улуғ бойликдир.Тил орқали инсонлар ички дунёсини ифода этади. Момоларимиз,оналаримиз айтган алласи ўзбек тилида куйланганда нақадар ҳаётбахш наво эканлигини чуқур ҳис этамиз .Гўдак дунёга келар экан, илк бор ОНА алласини, ўз исмини, келажаги камолини барида мужассам этган “АЛЛА” тинглайди. Бу эса гўдак онгига ,вужудига ўзбек тилида ҳаётий қўшиқ бўлиб қон қонига сингиб,такомиллашиб боради. Чунки тилимизни ОНА га қиёслашимиз ҳам шундандир балким.
Буюк жадидларимиздан Маҳмудхўжа Беҳбудийнинг қуйидаги фиклари ҳали ҳамон барҳаёт яшаб келмоқда,- “Ҳар бир миллатнинг дунёда борлигини кўтсатадурғон ойнаи ҳаёти тил ва адабиётдур .Миллий тилни йўқотмак -миллат руҳини йўқотмакдур!” Тилни улуғлаган халқнинг маданияти юксак бўлади.
Ўзбекистон Республикаси Конституциясида ўзбек тили мақоми ҳуқуқий жиҳатдан мустаҳкамланди. Ўзбек тили ҳақидаги қонун қабул қилинганидан сўнг барча давлат ҳужжатлари ўзбек тилида юритила бошланди, газета ва журналлар, китобларнинг ўзбек тилида чоп этилиши йўлга қўйилди. “Давлат тили ҳақида” ги қонун она тилимизнинг бор гўзаллиги ва жозибасини тўла намоён этиш билан бирга, уни илмий асосда ривожлантириш борасида ҳам кенг имкониятлар яратди. Олимлар ва мутахассислар томонидан илм-фан ва турли соҳаларга оид луғатлар, дарслик ва ўқув қўлланмалар, мумтоз адабиётимиз намуналари, саксон мингдан зиёд сўз ва сўз бирикмасини ўз ичига олган беш жилдлик “Ўзбек тилининг изоҳли луғати” чоп қилинди ва ушбу китоб юзасидан тарғибот тадбирлари.учрашувлар,давра суҳбатлари уюштирилди. Ёш авлодни миллий қадриятларимизга муҳаббат ва садоқат руҳида тарбиялашда ўзбек тилининг аҳамияти тобора ортиб бормоқда. Спорт, фан, маданият ва санъат соҳасида юрт келажаги бўлган ёш авлод ўз шижоати, ҳаракат ва ташаббуси билан ўзбек тилини бутун дунёга танитиши, унинг ривожланишига катта ҳисса қўшиши лозим.

Гулжаҳон Қурбонова
Ангор тумани ҳокимининг ҳокимнинг маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси