O‘zligimiz timsoli-ona tilim

“Dunyodagi qadimiy va boy tillardan biri bo‘lgan o‘zbek tili xalqimiz uchun milliy o‘zlik va mustaqil davlatchilik timsoli, bebaho ma’naviy boylik, mamlakatimizning siyosiy-ijtimoiy, ma’naviy-ma’rifiy taraqqiyotida g‘oyat muhim o‘rin egallab kelayotgan buyuk qadriyatdir”.       
SH.M.Mirziyoyev

Azaldan o‘zbek tili juda ham boy til bo‘lib uning tarixi necha yuz ming yillik tarixga borib taqaladi.Til nafaqat muomala vositasi-balki xalqning madaniyatini,urf odatlarini uning turmush tarzi, tarixidir.Turli xalqlarning tillariga hurmat esa o‘z navbatida o‘zaro tushunishga, muloqotlarga imkoniyat yaratiladi.Til millatning o‘zligini belgilovchi, qalblarni birlashtiruvchi va madaniyatni boyituvchi eng ulug‘ boylikdir.Til orqali insonlar ichki dunyosini ifoda etadi. Momolarimiz,onalarimiz aytgan allasi o‘zbek tilida kuylanganda naqadar hayotbaxsh navo ekanligini chuqur his etamiz .Go‘dak dunyoga kelar ekan, ilk bor ONA allasini, o‘z ismini, kelajagi kamolini barida mujassam etgan “ALLA” tinglaydi. Bu esa go‘dak ongiga ,vujudiga o‘zbek tilida hayotiy qo‘shiq bo‘lib qon qoniga singib,takomillashib boradi. Chunki tilimizni ONA ga qiyoslashimiz ham shundandir balkim.
Buyuk jadidlarimizdan Mahmudxo‘ja Behbudiyning quyidagi fiklari hali hamon barhayot yashab kelmoqda,- “Har bir millatning dunyoda borligini ko‘tsatadurg‘on oynai hayoti til va adabiyotdur .Milliy tilni yo‘qotmak -millat ruhini yo‘qotmakdur!” Tilni ulug‘lagan xalqning madaniyati yuksak bo‘ladi.
O‘zbekiston Respublikasi Konstitutsiyasida o‘zbek tili maqomi huquqiy jihatdan mustahkamlandi. O‘zbek tili haqidagi qonun qabul qilinganidan so‘ng barcha davlat hujjatlari o‘zbek tilida yuritila boshlandi, gazeta va jurnallar, kitoblarning o‘zbek tilida chop etilishi yo‘lga qo‘yildi. “Davlat tili haqida” gi qonun ona tilimizning bor go‘zalligi va jozibasini to‘la namoyon etish bilan birga, uni ilmiy asosda rivojlantirish borasida ham keng imkoniyatlar yaratdi. Olimlar va mutaxassislar tomonidan ilm-fan va turli sohalarga oid lug‘atlar, darslik va o‘quv qo‘llanmalar, mumtoz adabiyotimiz namunalari, sakson mingdan ziyod so‘z va so‘z birikmasini o‘z ichiga olgan besh jildlik “O‘zbek tilining izohli lug‘ati” chop qilindi va ushbu kitob yuzasidan targ‘ibot tadbirlari.uchrashuvlar,davra suhbatlari uyushtirildi. Yosh avlodni milliy qadriyatlarimizga muhabbat va sadoqat ruhida tarbiyalashda o‘zbek tilining ahamiyati tobora ortib bormoqda. Sport, fan, madaniyat va san’at sohasida yurt kelajagi bo‘lgan yosh avlod o‘z shijoati, harakat va tashabbusi bilan o‘zbek tilini butun dunyoga tanitishi, uning rivojlanishiga katta hissa qo‘shishi lozim.

Guljahon Qurbonova
Angor tumani hokimining hokimning ma’naviy-ma’rifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini ta’minlash masalalari bo‘yicha maslahatchisi