"Яшил макон" умуммиллий лойиҳаси доирасида Сурхондарё вилоятининг барча ҳудудларида баҳорги дарахт экиш мавсумига тайёргарлик кўриш ва ердан самарали фойдаланилишини таъминлаш чоралари кўрилмоқда.

Хусусан, вилоят прокурори Б.Бабаджанов бошчилигида прокуратура жамоаси томонидан Ангор туманидаги Каттақум маҳалласида самарасиз фойдаланиб келинаётган боғ ер майдонига ишлов берилиб, 1 200 туп бодом ва 100 туп арча кўчатлари экилиб, "Прокуратура боғи" ташкил этилди.

Янги ташкил этилган боғ ер майдони Каттақум маҳалласида яшовчи ижтимоий ҳимояга муҳтож 24 та оилага 11 сотихдан бириктириб берилиб, боғдорчилик фаолиятини юритиш асосида даромад манбаига эга бўлишларига шароит яратилди.