Yashil makon"

"Yashil makon" umummilliy loyihasi doirasida Surxondaryo viloyatining barcha hududlarida bahorgi daraxt ekish mavsumiga tayyorgarlik ko‘rish va yerdan samarali foydalanilishini ta’minlash choralari ko‘rilmoqda.

Xususan, viloyat prokurori B.Babadjanov boshchiligida prokuratura jamoasi tomonidan Angor tumanidagi Kattaqum mahallasida samarasiz foydalanib kelinayotgan bog‘ yer maydoniga ishlov berilib, 1 200 tup bodom va 100 tup archa ko‘chatlari ekilib, "Prokuratura bog‘i" tashkil etildi.

Yangi tashkil etilgan bog‘ yer maydoni Kattaqum mahallasida yashovchi ijtimoiy himoyaga muhtoj 24 ta oilaga 11 sotixdan biriktirib berilib, bog‘dorchilik faoliyatini yuritish asosida daromad manbaiga ega bo‘lishlariga sharoit yaratildi.