Qonun barchaga barobar

1989-yilning 21-oktabr kuni «Davlat tili to‘g‘risida»gi Qonun qabul qilinib, O‘zbek tiliga davlat tili maqomi berildi.O‘zbekiston Respublikasi Vazirlar Mahkamasining 2021-yil 10-fevraldagi
61-son qaroriga asosan, 2023-yil 1-yanvardan mamlakatimizdagi tashkiliy-huquqiy shaklidan qatʼi nazar, barcha tashkilotlarda ish yuritish hujjatlari va boshqa hujjatlarni lotin yozuviga asoslangan o‘zbek alifbosida ishlab chiqish, qabul qilish va eʼlon qilish amaliyotini to‘liq joriy qilish tasdiqlangan.

Angor tumanida ham «Davlat tili to‘g‘risida»gi Qonun ijrosini ta'minlash borasida samarali ishlar amalga oshirib kelinmoqda. Qonun ijrosini ta'minlash bo‘yicha tuzilgan ishchi guruh tomonidan korxona va tashkilotlarda,ta'lim muassasalarida muntazam ravishda o‘rganish ishlari olib borilmoqda.

Navbatdagi o‘rganish ishlari Tuman tibbiyot birlashmasida tashkil etildi.O‘rganishlar davomida, ish yuritish, me'yoriy hujjatlar, peshlavhalar, ma'lumot beruvchi bannerlardagi ma'lumotlarning davlat tilida yozilganligiga e'tibor qaratildi.

O‘rganishlar davomida aniqlangan kamchiliklarni zudlik bilan bartaraf etish yuzasidan mas'ullarga tegishli tartibda ko‘rsatmalar berildi.

«Davlat tili to‘g‘risida»gi Qonunning buzilishi tegishli tartibda javobgarlikka sabab bo‘lishi mas'ullarga tushuntirib o'tildi.

Guljahon Qurbonova

Angor tumani hokimining ma’naviy-ma’rifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini ta’minlash masalalari bo‘yicha maslahatchisi