Tomorqa daromad manbai

Angor tumanining “Xo‘janqon” mahallasi birinchi sektor hududida joylashgan. Bu mahalla aholisi asosan dehqonchilik, chorvachilik, tadbirkorlik bilan shug‘ullanishadi. Hozirgi kunda mahalladagi mavjud issiqxonalarga pomidor, bodring kabi poliz mahsulotlari  ekilgan. Ushbu mahallada yashovchi Rashid Odilov 8 yildan buyon issiqxonada turli xil qishloq xo‘jaligi mahsulotlarini yetishtirib kelmoqda. 

 -Oilaviy dehqonchilik bilan shug‘ullanamiz. 4 sotixli issiqxonada 4 kishi doimiy ish bilan band. Issiqxonaga pomidorning “Bo‘ron” navini ekkanmiz. Pomidordan oldin gulkaram ekdik va hosilini yig‘ib oldik. Har yili o‘rtacha 20-25 mln daromad olamiz. Mehnat qilgan rohatini ko‘radi deganlaridek, daromadimizevaziga yangi uy-joy qurdik. Farzandlarimizning to‘ylarini o‘tkazdik. Kelgusida yana qo‘shimcha issiqxona qurishni rejalashtirganmiz,-deydi Rashid Odilov.

Albatta, tashabbuskor, tadbirkor xonadonlar soni ko‘payishi aholi turmush darajasining o‘sishini ko‘rsatadi. Bu esa bizning asosiy maqsadimizdir.