Tumanda yangi loyihalar amalga oshirilmoqda

Bugun Angor tumani hokimi Qosim Mardonov hamda tegishli tashkilot mas’ullari birgalikda yangi loyihalar qurilishi jarayonlari bilan tanishdi.

Dastlab, Sharq guli mahallasida davlat xususiy sherikchiligi asosida barpo etilayotgan Iste’molchilar huquqlarini himoya qilish jamiyati binosining qurilish jarayonlari bilan tanishildi.

Shundan so‘ng, markaziy istirohat bog‘ida  “Tashabbusli budjet” loyihasi doirasida barpo etilayotgan amfiteatr qurilishi jarayonlarini ko‘zdan kechirdi.

Tuman rahbari mas’ullar bilan suhbatlashib, qurilish ishlarini o‘z vaqtida va sifatli olib borish bo‘yicha topshiriq va ko‘rsatmalar berdi.