Asalari-yetti xazinaning biri

Bugungi kunda yurtimizda asalarichilik sohasini rivojlantirishga, asal mahsulotlarini yetishtirishga bo‘lgan e’tibor va talab ortib bormoqda. Ayniqsa, ekologik toza asalga bo‘lgan ehtiyoj nihoyatda yuqori. Boisi asal shifobaxsh ne’mat sifatida o‘z tarkibida inson organizmi uchun zarur yetmishga yaqin mikroyelementlarni jamlagan.

Angor tumanida ham asalarichilikni rivojlantirish maqsadida aholi o‘z biznesini yo‘lga qo‘ymoqda. Hozirgi kunda tumanning Gulzor mahallasida 10 taga yaqin xonadonda asalari parvarish qilinmoqda.

Hasan Mamatov ham oila a’zolari bilan birgalikda asalarichilik bilan shug‘ullanadi. Ularning aytishlariga qaraganda hozirgi kunda 11 ta qutida 22 ta asalari oilasini parvarish qilmoqda. Imtiyozli kredit olib faoliyatini boshlagan tumandoshlarimiz asalari oilasi sonini ko‘paytirishni niyat qilishgan.