Milliy qadriyatlar — yuksalish omili

Angor tumanidagi 9-sonli Bolalar musiqa va san’at maktabida “Yangi O‘zbekiston-uchinchi renessans sari” tamoyili asosida “Rahbar ma’naviyati” va “Rahbarning boshqaruv madaniyati” mavzularida o‘quv seminar bo‘lib o‘tdi. Dastlab, tuman hokimi, Ma’naviyat va ma’rifat Kengashi raisi  Shohjahon Abdullaev ma’naviy-ma’rifiy ishlarni tashkil qilish va aholini yod g‘oyalar ta’siridan himoya qilish borasida to‘xtalib o‘tdi. Shuningdek, Respublika  Ma’naviyat va ma’rifat markazi viloyat bo‘limi rahbari Nargiza Rahmatullaeva hamda Respublika  Ma’naviyat va ma’rifat markazi tuman bo‘linmasi rahbari Nodir Avazov ham  milliy qadriyatlarga hurmatni mustahkamlash mavzusida ma’ruza qildi.

Seminar davomida ishtirokchilar Mahalla va oilani qo‘llab-quvvatlash bo‘limi kutubxonasidagi mavjud sharoitlar bilan yaqindan tanishdilar. Bundan tashqari, Aholi bandligiga ko‘maklashish markazining ma’naviyat va ma’rifat xonasiga ham tashrif buyurishdi. Angor tuman Axborot-kutubxona markazida olib borilayotgan ishlar ham seminar qatnashchilarining e’tiboridan chetda qolmadi. Seminar yakunida tuman Ma’naviyat va ma’rifat bo‘linmasi tomonidan amalga oshirilayotgan ishlar ham nazorat qilindi.