“Davlat xaridlari to‘g‘risida”gi Qonuni ijrosi doirasida

Angor tumani G’aznachilik xizmati bo‘limi tomonidan O‘zbekiston Respublikasining “Davlat xaridlari to‘g‘risida”gi Qonuni ijrosini ta’minlash maqsadida, 2023 yil 9 oy davomida jami 2150 ta 35,1 mlrd.so‘mlik shartnomalar ro‘yxatga olingan bo‘lib, Shundan:
– elektron do‘kon orqali jami 1235 ta 4,9 mlrd.so‘mlik;
– elektron auksion orqali 8 ta 0,3 mlrd.so‘mlik;
– eng yaxshi takliflarni tanlash orqali 131 ta 12.2 mlrd.so‘mlik;
– yagona yetkazib beruvchilar bilan jami 161 ta 3,7 mlrd.so‘mlik;
– to‘g‘ridan–to‘g‘ri shartnoma tuzish orqali jami 615 ta 13,8 mlrd.so‘mlik shartnomalar g‘aznachilikda belgilangan tartibda ro‘yxatga olingan.
Shuningdek, O‘zbekiston Respublikasi Budjet Kodeksining 122-moddasi 3-bandida “Budjet tashkilotlari va budjet mablag‘lari oluvchilarning budjetdan ajratiladigan mablag‘lar bo‘yicha tovarlarni (ishlarni, xizmatlarni) yetkazib beruvchilar bilan tuzgan shartnomalari, shuningdek, ularga kiritilgan o‘zgartirish va qo‘shimchalar ular g‘aznachilik bo‘linmalarida ro‘yxatdan o‘tkazilganidan keyin kuchga kiradi va O‘zbekiston Respublikasi Prezidentining 2007-yil 28-fevraldagi PQ-594-soni “Davlat budjetining g‘azna ijrosi tizimini yanada rivojlantirish chora-tadbirlari to‘g‘risida”gi qarorini 6-bandida “Belgilab qo‘yilsinki, budjet tashkilotlarining tovarlar (ishlar, xizmatlar) yetkazib beruvchilar bilan shartnomalari, shuningdek buyurtmachilarning Davlat budjeti mablag‘lari hisobiga kapital qurilishga oid shartnomalari majburiy tartibda G‘aznachilikda ro‘yxatga olinishi shart va faqat u amalga oshirilgandan keyin kuchga kiradi” deb ko‘rsatilgan.
Ammo joriy yilda Davlat xaridlari to‘g‘risidagi Qonun talablariga rioya etilmagan holda, budjet tashkilotlari bilan tovar (ish, xizmat) yetkazib beruvchilar o‘rtasida jami 38 holatda 2,8 mlrd.so‘mlik shartnomalar tuzilgan va g‘aznachilikdan ro‘yxatdan o‘tkazilmagan. Buning natijasida asoslanmagan kreditor qarzdorliklarni yuzaga keltirgan. Ushbu qarzdorliklarni undirish uchun iqtisodiy va hakamlik sudlariga murojaat qilib ijro hujjatlari qabul qilib to‘lovlarni amalga oshirgan.
Sohalar kesimida esa, maktabgacha ta’limda 0.4 mlrd.so‘m, tuman hokimliklari 0,8 mlrd.so‘m, sog‘liqni saqlash 0,4 mlrd.so‘m, xalq ta’limi 0,6 mlrd so‘mni tashkil etadi.
O‘zbekiston Respublikasi Vazirlar Mahkamasining 2022-yil 24-iyundagi “Ta’sischisi budjet tashkilotlari bo‘lgan unitar korxonalarga g‘aznachilik orqali xizmat ko‘rsatishni tashkil etish chora-tadbirlari to‘g‘risida”gi 345-sonli Qaroriga asosan, hozirgi kunda avtomobil yo‘llari boshqarmasi tasarrufidagi 1 ta korxona g‘aznachilik tizimi bilan qamrab olingan.

Angor tumani G’aznachilik xizmati
bo‘limi boshlig‘i: R.Berdiyev