Yoshlar bilan uchrashuv

Angor tumani hokimligi majlislar zalida yoshlar bilan uchrashuv tashkil etildi. Unda yoshlar bilan bir qatorda tashkilot va korxona rahbarlari va deputatlar ishtirok etdi. Uchrashuv davomida tuman hokimining o‘rinbosari Jamshid Choriev yoshlar siyosati bo‘yicha olib borilayotgan ishlar yuzasidan hisobot berdi.   

Norasmiy tarzda o‘tkazilgan uchrashuvda  yoshlarning savollariga ham javob berildi. Shuningdek, tadbir davomida roliklar namoyish etildi.

Ma’lumot o‘rnida aytish kerakki, “Yoshlar daftari”ga kiritilgan 3614 nafar yoshlarda aniqlangan muammo va masalalar, ular bilan alohida ishlarni tashkil etish va amaliy yordam ko‘rsatish yuzasidan 7 ta yo‘nalish belgilab olingan. 6 ta yo‘nalish bo‘yicha yoshlarning bandligi ta’minlanadi, 1 ta yo‘nalish asosida yoshlarga doimiy yordam berib boriladi.