G‘alla- 2023

Angor tumanida 2023 yil g‘alla hosili uchun 27 ta fermer xo‘jaliklari va “Zamin Angor klaster” MChJ tomonidan 6500 gektar maydonga g‘alla ekilib, don topshirish rejasi 16953 tonna qilib belgilangan.

G‘alla o‘rim yig‘imini qisqa kunlarda yakunlash bo‘yicha 10 ta o‘rim otryadlari tashkil etildi, o‘rim otryadlariga 21 ta kombayn va 75 ta tashish texnikalari biriktirildi.

Tumanda 2023 yil hosilidan boshoqli don yetishtirishda gektaridan o‘rtacha 79,0 sentnerdan hosil olinib, yalpi ishlab chiqarish hajmi 51 350 tonnani, shundan davlat extiyoji uchun sotilgan don 24 348 tonna, g‘allachilik klasterlari omborlarida hamda fermer xo‘jaliklari ixtiyorida 27,0 ming tonna g‘alla qoldirildi.

Tumanda faoliyat yuritayotgan fermer xo‘jaliklari va “Zamin Angor klaster” MChJ tomonidan davlatga xaridi uchun belgilangan rejani ortig‘i bilan bajardi. Ya’ni davlatga 24348 tonna don topshirib rejani 116,8 foizga bajarildi.

Tumanda 2023 yil hosili uchun jami 6500 gektar maydonga, shundan 32 ta fermer xo‘jaliklari 1100 gektar maydonga va “Zamin Angor klaster” MChJ 5400 gektar maydonga g‘alla ekish rejalashtirilgan.

Shundan, ochiq maydonga 2423 gektar maydon, 4077 gektari g‘o‘za qator orasiga ekiladi.

G‘alla ekish uchun 10 ta otryad tashkil etilgan bo‘lib, otryad raxbarlariga tumanda qishloq xo‘jaligi sohasida ko‘p yillardan buyon ishlab kelayotgan va xudud raislaridan tanlab qo‘yilgan.

Otryadlarga mutaxassis agronom, yoqilg‘i tarqatish shaxobchasidan, o‘g‘it tarqatish shaxobchasidan, don shaxobchasidan, yer tuzuvchilar va mexanizatorlar biriktirilgan.

G‘alla ekish uchun 15 ta g‘alla ekish seyalkalari ta’mirlanib shay holatga keltirilib, ekish ishlari olib borilmoqda.

Ekish uchun talab etiladigan urug‘lik sarfi 1 gektar maydonga 250 kg dan, jami 1625,0 tonna urug‘lik don jamg‘arildi,

mineral o‘g‘itlar; 1 gektar maydonga 200 kgdan jami 1300,0 tonna fosforli mineral o‘g‘it talab etiladi, bugungi kunda fosforli mineral o‘g‘it zaxirasi yaratildi,

1 gektar maydonga 100 kg dan jami 650 tonna  kaliyli o‘g‘it rejalashtirilgan bo‘lib, amalda kaliyli mineral o‘g‘itlar zaxirasi yaratilgan.

J.Po‘latov

Angor tumani hokimining Qishloq va suv xo‘jaligi masalalari bo‘yicha o‘rinbosari