Angor tuman adliya bo‘limi tomonidan 2023-yilning o‘tgan 9 oyi davomida tumandagi davlat organlari va tashkilotlarining norma ijodkorligi faoliyati hamda huquqni qo‘llash amaliyoti bo‘yicha amalga oshirilgan ishlar haqida ma’lumot

Huquqiy targ‘ibot va ma’rifatning holati:

Tuman adliya bo‘limi tomonidan 2023-yilning o‘tgan davri mobaynida jami 329 ta targ‘ibot tadbirlari o‘tkazildi.

Shundan, mahalliy va markaziy televideniye orqali 16 marotaba, radio orqali 36 marotaba chiqishlar qilingan bo‘lsa, gazeta va jurnallarda 47 ta turli maqola risolalar bilan chiqishlar qilindi.

Qonunchilikdagi muhim yangiliklar aholiga qo‘lay bulishini ta’minlash maqsadida 395 nusxadagi plakat, buklet va flayerlar tarqatildi, elektron ommaviy axborot vositalarida 230 tadan ortiq targ‘ibot materiallari joylashtirildi.

Shuningdek, joylarda 293 ta ma’ruza, davra suhbati, seminarlar o‘tkazildi.
93 ta og‘zaki huquqiy targ‘ibotlar mahallalarda, 74 tasi ta’lim muassasalarida,
7 tasi mehnat jamoalarida hamda 119 tasi boshqa joylarda amalga oshirilib, ushbu tadbirlarda 3039 nafar tinglovchilar qamrab olindi.

Shuningdek, bo‘limga kelib tushgan (elektron shaklda) 726 ta normativ-huquqiy hujjatlar Vazirlar Mahkamasi tomonidan tasdiqlangan ro‘yxat bo‘yicha davlat organlari va boshqa tashkilotning tumandagi hududiy bo‘limlariga yetkazildi.

Ma’lumki, huquqni qo‘llash amaliyoti o‘z mohiyatiga ko‘ra qonun hujjatlarini ijro yetish va uning normalarini amaliyotda qo‘llash deganidir.

Shunga ko‘ra, adliya bo‘limi tomonidan qonunchilik hujjatlari ijrosini bir xilda ta’minlash, noto‘g‘ri yoki ziddiyatli amaliyotga olib keladigan normalarni o‘z vaqtida aniqlash va bartaraf etish nuqtai nazaridan bir qator ishlar amalga oshirildi.

Adliya bo‘limi tomonidan ushbu yo‘nalish bo‘yicha 2023 yilning o‘tgan davrida 32 ta sohada o‘rganish amalga oshirildi.

O’tkazilgan o‘rganish, tahlil va monitoringlar davomida davlat organlari, tashkilotlari va muassasalari faoliyatida jami 1081 ta qonun buzilishlar va huquqni qo‘llashda tizimli muammolar aniqlangan.

Aniqlangan qonun buzilishlarni bartaraf etish va qonun buzilishiga yo‘l qo‘ygan shaxslarga nisbatan chora ko‘rish yuzasidan 44 ta taqdimnoma, vakolatli organlarga 29 ta ma’muriy takliflar kiritilgan.

Qo‘llanilgan ta’sir choralari natijasida 28 nafar shaxslar intizomiy javobgarlikka tortilgan va davlat organlari va tashkilotlarining 179 ta hujjatlari bekor qilingan.

Sohaga oid jamoatchilik fikrini o‘rganish maqsadida 6 marta so‘rovnoma o‘tkazilib, so‘rovnomada 578 nafar shaxs ishtirok etgan.

2023-yilning o‘tgan davri mobaynida adliya bo‘limiga tuman hokimligi hamda xalq deputatlari Angor tuman kengashidan kelib tushgan 5 ta normativ tusdagi qaror loyihalarining barchasi huquqiy ekspertizadan o‘tkazilib, tegishli ijobiy xulosalar berildi.

Bo‘limning davlat xizmatlari markazi tomonidan 2023 yilning o‘tgan davrida fuqarolar va tadbirkorlik sub’ektlariga jami 29 098 tadan ortiq davlat xizmatlari ko‘rsatilishi ta’minlandi.

Shuningdek, bo‘limning FHDYo yo‘nalishida o‘tgan davr mobaynida
2751 ta tug‘ilish qayd etilgan bo‘lib, ajrimlar soni 111 ta va 643 ta o‘lim qayd etilgan. Bundan tashqari FXDYo bo‘limi tomonidan fuqarolardan nikoxga kirish uchun 765 ta ariza qabul qilinib tibbiy kurikdan o‘tish uchun yo‘llanma berilib, 759 ta nikox qayd etilishi ta’minlandi.

Bundan tashqari, tuman adliya bo‘limi yuridik xizmat ko‘rsatish markaziga 2023-yilning o‘tgan davrida tumandagi davlat organlari va tashkilotlarining 16 164 ta hujjatlari “E-huquqshunos” elektron tizimi orqali kelib tushgan.

Markaz tomonidan davlat organlari va tashkilotlaridan elektron tarzda kelib tushgan 11396 ta buyruq loyihalarining 10997 tasiga ijobiy xulosa berilgan bo‘lib, qolgan 399 ta buyruq loyihalarida kamchiliklari mavjudligi sababli qaytarilgan.

Shuningdek, davlat organlari va tashkilotlaridan elektron tarzda kelib tushgan 4768 ta shartnomaviy munosabatlarga oid hujjatlarning 4548 tasiga ijobiy xulosa berilgan bo‘lib, qolgan 220 ta shartnoma loyihalarida kamchiliklari mavjudligi sababli qaytarilgan.

Angor tumani Adliya bo‘limi boshlig‘i Bo‘lim boshlig‘i G‘.Tilovqobilov