2023-yil 3-chorak davomida jamoatchilik fikri asosida shakllantirilgan Tadbirlarni moliyalashtirishga yo‘naltirilgan mablag‘lar hisoboti to‘g‘risida

2023-yil 3-chorak davomida jamoatchilik fikri asosida shakllantirilgan
Tadbirlarni moliyalashtirishga yo‘naltirilgan mablag‘lar hisoboti to‘g‘risida

O‘zbekiston Respublikasi Prezidentining 2021yil 13-apreldagi “Budjet jarayonida fuqarolarning faolishtirokini ta’minlash bo‘yicha qo‘shimcha chora-tadbirlar to‘g‘risida”gi PQ-5072-sonli Qaroriga asosan O‘zbekiston Respublikasi Oliy Majlisi Senati Kengashining 2021yil 22-apreldagi KQ-213-IV-sonli va Xalq deputatlari tuman Kengashining 2021 yil 7-iyundagi “Angor tuman mahalliy budjet mablag‘lari sarflanishida jamoatchilik ishtirokini ta’minlash to‘g‘risida”gi 179/VI-31-sonli qarori bilan tasdiqlangan Nizomning 25-27-bandlari ijrosini ta’minlash maqsadida xalq deputatlari tuman Kengashi qarorqiladi:
1. Xalq deputatlari tuman Kengashining 2021-yil 7-iyunda “Angor tuman mahalliy budjet mablag‘lari sarflanishida jamoatchilik ishtirokini ta’minlash to‘g‘risida”gi 179/VI-31-sonli qarori bilan tasdiqlangan Nizomning 27-bandiga asosan 2023-yil 3-chorak davomida jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘lar yuzasidan tuman Iqtisodiyot va moliya bo‘limi boshlig‘i S.Kuchkarovning hisoboti ma’lumot uchun qabul qilinsin.
2. 2023-yil 3-chorak davomida jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘lar, o‘tkazilgan tashabbusli budjet jarayoni yakunlariga ko‘ra ishlarni amalga oshirish uchun ajratilgan mablag‘lar miqdori, ya’ni tashabbusli budjet natijalari bo‘yicha ma’lumotlar ilovalarga muvofiq tasdiqlansin.
3. Tuman Iqtisodiyot va moliya bo‘limi (S.Kuchkarov) hamda tuman g‘aznachilik xizmati bo‘limi (R.Berdiev) shartnomalarga muvofiq yakuniy mablag‘larni belgilangan tartibda g‘olib takliflarni moliyalashtirish, natijalari bo‘yicha ma’lumotlarni tuman hokimligi axborot xizmati (G.Jumaeva) bilan birgalikda keltirilgan ilovalarga muvofiq shakllarda “Ochiqbudjet” axborot portali hamda tumandagi ijtimoiy tarmoqlarining rasmiy veb-saytlariga joylashtirish va har chorak yakunlariga ko‘ra, keyingi chorak birinchi oyining 25-sanasiga qadar joylashtirib borish vazifalari yuklatilsin.
4. Ush bu qarorning bajarilishini nazorat qilish Xalq deputatlari tuman Kengashining mahalliy budjetni shakllantirish va ijro etish, iqtisodiy islohotlarni amalga oshirish hamda tadbirkorlikni rivojlantirish masalalari bo‘yicha doimiy komissiyasi raisi (R.Kabulova) zimmasiga yuklatilsin.