Qabristonlar obod qilinmoqda

Davlatimiz tomonidan milliy qadriyatlarimizni asrash, ajdodlarimiz xotirasini ulug‘lash, ularga hurmat-ehtirom ko‘rsatish, qabristonlarni, muqaddas ziyoratgoh va qadamjolarni obod qilish bo‘yicha ko‘plab ishlar amalga oshirilib kelinmoqda.

Angor tumanida ham qabristonlarni obodonlashtirish yo‘lida ishlar olib borilyapti. Xususan, tumandagi "Abdurahmon Ibn Avf" qabristoni atrofi va yo‘laklari tozalanib, chegara devorlarini qurilish kabi yumushlar bajarilmoqda.

Bugun tuman hokimi Qosim Mardonov "Abdurahmon Ibn Avf" qabristonida bo‘lib, olib borilayotgan ishlarni nazorat qildi.

Mas’ullar bilan suhbatlashib, obodonlashtirish ishlari bo‘yicha o‘zining tavsiya va ko‘rsatmalarini berdi.