Angor tumanida “Elektron poliklinika” tizimi joriy etilmoqda

Mamlakatimizda tibbiy xizmatlarni ko‘rsatish samaradorligini oshirish, poliklinikalar boshqaruvini birlashtirish va markazlashtirish masalalarini hal qilish maqsadida "Elektron poliklinika" tizimi joriy etilmoqda.

Ta’kidlash joizki, Angor tuman tibbiyot birlashmasiga qarashli poliklinikalarda ham «Elektron poliklinika» axborot tizimi joriy etilmoqda. Bugun tuman tibbiyot birlashmasida patranaj hamshiralariga ish sifati va samaradorligini oshirish maqsadida planshetlar topshirildi.

«Elektron poliklinika» axborot tizimiga ulangan barcha poliklinikalar yagona server asosida ishlaydi va har bir poliklinikaga qancha bemor murojaat qilgani, ularni qaysi shifokorlar ko‘rikdan o‘tkazgani Sog‘liqni saqlash vazirligidagi mas’ullarga ham ko‘rinib turadi. Bu esa tizim faoliyatini muvofiqlashtirish, ko‘p uchraydigan kasalliklarni hududlararo tasniflash va ularning aniq bazasini yaratish kabi sohalarda qator qulayliklar yaratadi.