Salomatlik – tuman boylik

Bugun Angor tumanining Yuqori Tallashqon mahallasida Sanitariya-epidemiologik osoyishtalik va jamoat salomatligi tuman bo‘limi tomonidan tadbir o‘tkazildi.

Tadbirda mutaxassislar tomonidan mahallalarda aholi xonadonlari orastaligini ta’minlash, yuqumli kasalliklarning oldini olish, to‘g‘ri ovqatlanish va sog‘lom turmush tarziga rioya etishda insonlar faolligini oshirish bo‘yicha so‘z yuritildi.

Mutaxassislar tomonidan o‘quvchilar o‘rtasida tibbiy ko‘rik ham o‘tkazildi.

Shundan so‘ng, mutaxassislar mahalladagi xonadonlarda bo‘lib, targ‘ibot tadbirlari olib borishdi. Yuqumli kasalliklarning oldini olish maqsadida kemiruvchilarga qarshi kurashish tadbirlari ham o‘tkazildi.