Islohotlar amalda

Angor tumanining Yuqori Tallimaron mahallasida joylashgan “Tanovar Surxon” MCHJ 2018-yilda o‘z faoliyatini boshlagan. Qishloq xo‘jaligi mahsulotlarini yetishtirishni tashkil etish loyihasi uchun 154 gektar yer maydoni ajratilgan. Korxonada asosan karam, pomidor, bulg‘or qalampiri va ertapishar qovun kabi mahsulotlar yetishtiradi.

O‘zbekiston Respublikasi Prezidentining 2021-yil 30-dekabrdagi “O‘zbekiston Respublikasining 2022-2026-yillarga mo‘ljallangan investitsiya dasturini tasdiqlash hamda investitsiya loyihalarini boshqarishning yangi yondashuv va mexanizmlarini joriy etish to‘g‘risida”gi qaroriga asosan korxonada ishlar olib borilmoqda. Xususan, har bir tuman yiliga 50,0 mln dollarlik to‘g‘ridan-to‘g‘ri xorijiy investitsiya mablag‘larini o‘zlashtirish bo‘yicha berilgan topshiriqqa ko‘ra “Tanovar Surxon” MCHJ xorijiy korxonasi tomonidan 2023-2024 yillarda jami 3,0 mln dollarlik to‘g‘ridan-to‘g‘ri xorijiy investitsiya mablag‘larini o‘zlashtirilish rejalashtirilgan.