Pirotexnika vositalarini noqonuniy ravishda sotilishiga chek qoʻyildi.

Oʻzbekiston Respublikasi ma’muriy javobgarlik toʻgʻrisidagi Kodeksning 1851-moddasida - Pirotexnika buyumlarini qonunga xilof ravishda ishlab chiqarish, tayyorlash, saqlash, tashish, joʻnatish, ulardan foydalanish, xuddi shuningdek ularni qonunga xilof ravishda Oʻzbekiston Respublikasiga olib kirish (Oʻzbekiston Respublikasidan olib chiqish) yoki oʻtkazish - huquqbuzarlik ashyolarini musodara qilib, bazaviy hisoblash miqdorining besh baravaridan yigirma baravarigacha miqdorda jarima solishga sabab boʻladi deb belgilangan.
2022 yilning 4 dekabr kuni Angor tuman IIB xodimlari tomonidan Angor tumanida yashovchi fuqaro U.Orziev (ism familiyalar oʻzgartirilgan) oʻzi bilan “Britanik” nomli pirotexnika vositalarini olib yurib foydalanganligi sababli ushlanib, oʻzida boʻlgan 1 quti pirotexnika vositasini shuningdek, yashash uyida boʻlgan jami 20 quti, har bir qutisida 50 donadan boʻlgan jami 1050 dona “Britanik” nomli pirotexnika vositalari undan ashyoviy dalil tariqasida hujjatlashtirib olingan.
Mazkur ma’muriy huquqbuzarlik toʻgʻrisidagi ish sud majlisida koʻrib chiqilib, U.Orziev Oʻzbekiston Respublikasi ma’muriy javobgarlik toʻgʻrisidagi Kodeksning 1851-moddasi bilan aybli deb topilib, unga jarima jazosi tayinlandi va ashyoviy dalil tariqasida olingan pirotexnika vositalari tegishli tartibda yoʻq qilinishi belgilandi.
Shuningdek, jinoyat ishlari boʻyicha Angor tuman sudida 2022 yil davomida Oʻzbekiston Respublikasi ma’muriy javobgarlik toʻgʻrisidagi Kodeksning 1851-moddasi (pirotexnika buyumlarini qonunga xilof ravishda ishlab chiqarish, tayyorlash, saqlash, tashish, joʻnatish, ulardan foydalanish) bilan bogʻliq 3 nafar shaxslarga nisbatan 3 ta ma’muriy huquqbuzarlik ishlari koʻrilib, ma’muriy huquqbuzarlarga nisbatan jarima jazolari tayinlanib, ulardan olingan pirotexnika vositalari belgilangan tartibda yoʻq qilinishi koʻrsatildi.
Barchamiz orziqib kutgan “Yangi yil” bayramini oila davrasida, tinchlikda, totuvlikda, xursandchilikda kutib olish nasib qilsin.
Bayramni yaxshi oʻtkazish esa, oʻzimizga bogʻliq, jinoyat ishlari boʻyicha Angor tuman sudi jamoasi siz aziz xalqimizga bayramni turli pirotexnika vositalariz oʻtkazishni tavsiya qiladi. Zero bu bilan siz turli noxush xolatlarni oldini olgan boʻlasiz.

Jinoyat ishlari Angor
tuman sudining raisi S.Boʻtayev