Angor tumani davlat soliq inspeksiyasi boshlig‘i Orif Muratovning dekabr oyi yakuni bo‘yicha hisoboti

      Joriy yilning dekabr oyida tumanimiz soliq to‘lovchilar tomonidan jami 4 314,9 mln so‘m soliq to‘lanib, o‘tgan yilning mos davriga nisbatan 232,7 mln so‘m  yoki 105,4 foizga o‘sishga erishildi.

Jumladan:

-jismoniy shaxslar mol-mulk solig‘idan 125,0  mln so‘m;

-jismoniy shaxslar yer solig‘idan 391,2  mln so‘m;

-Aylanmadan olinadigan soliqdan 494,5 mln so‘m;

-Jismoniy shaxslardan olinadigan daromad solig‘iga 2115,7 mln so‘m mablag‘lar undirilishi  ta’minlandi.

      Xabaringiz bor Prezidentimizning «Norasmiy bandlik ulushini qisqartirish va zamonaviy yondashuvlar asosida mehnat resurslari balansini shakllantirish chora-tadbirlari to‘g‘risida»gi Qaroriga muvofiq 2022-yil 1-noyabrdan boshlab 10 ta faoliyat turi o‘zini o‘zi band qilgan shaxslar shug‘ullanishi mumkin bo‘lgan faoliyat turlari ro‘yxatiga kiritildi va dekabr oyida 314 nafar tumandoshlarimiz o‘zini o‘zi band qilgan fuqaro sifatida davlat ro‘yxatidan o‘tdi. Bu o‘tgan noyabr oyiga nisbatan 26 nafarga ko‘pdir.

      Dekabr oyida 21 nafar jismoniy shaxslar YaTT (yakka tartibdagi tadbirkor) sifatida davlat ro‘yxatidan o‘tib, tadbirkorlik faoliyatini boshladilar. Shuningdek, faoliyatini vaqtincha to‘xtatgan hamda tadbirkorlik guvohnomasining amal qilish muddati tugagan 31 nafar YaTTlar qayta davlat ro‘yhatidan o‘tdilar.

      “Soliqchi-ko‘makchi” tamoyili asosida tadbirkorlarga yaqindan yordam ko‘rsatilib, 118 ta muammolar ijobiy hal etildi.

Jumladan:

-69 nafar tadbirkorlarga dastlabki buxgalteriyasini yuritishda;

-49 nafar tadbirkorlarga Davlat soliq qo‘mitasining avtomatlatlashtirilgan axborot tizimlaridan foydalanish tartibini o‘rgatishga ko‘maklashildi.

      Dekabr oyida 19 ta ko‘chmas mulk ijara shartnomalari tuzilib, joriy yilning
12 oyi davomida tuzilgan jami ko‘chmas mulk ijara shartnomalari soni 346 taga yetdi.  

      Xo‘jalik yurituvchi subyektlar bilan o‘tkazilgan bevosita muloqotlar va keng ko‘lamli tushuntirish ishlari natijasida 92 ta korxonada norasmiy ishlayotgan jami 115 nafar fuqarolarning faoliyati qonuniylashtirildi.

Jumladan:

- ishlab chiqarish va xizmat ko‘rsatish korxonalaridagi 67 nafar:

- savdo va umumiy ovqatlanish korxonarlaridagi 37 nafar:

- qishloq xo‘jaligi sohasida faoliyat yuritayotgan 11 nafar fuqarolarning faoliyati legallashtirildi va budjetga 25.4 million so‘m qo‘shimcha mablag‘ yo‘naltirildi.     

      Hurmatli soliq to‘lovchilar! Soliqlar davlat g‘aznasining asosiy manbaidir. Yurtimiz istiqboli, vatandoshlarimizning farovon turmushi, mudofaa qudrati, ta’lim va tibbiyot taraqqiyoti bevosita sizu biz to‘layotgan soliqlarga bog‘liqdir. Shu bois soliqlarni to‘lab, ezgu va xayrli ishlarga o‘z hissamizni qo‘shaylik.