Keksalar uchun turizm oyligi

Oʻzbekiston Respublikasi Vazirlar Mahkamasining 2020-yil 28-maydagi “Keksalarni davlat tomonidan qoʻllab-quvvatlash tizimini yanada takomillashtirishning qoʻshimcha chora-tadbirlari toʻgʻrisida”gi qaroriga asosan mamlakat boʻylab keksa avlod vakillarining sayohat qilishini ragʻbatlantirish maqsadida noyabr oyi “Keksalar uchun turizm oyligi” deb eʼlon qilingan.

Shu munosabat bilan bugun angorlik bir guruh keksa avlod vakillari Buxoro shahriga sayohatga yoʻl olishdi.

Nuroniylar uch kun davomida Buxoro viloyatida tarixiy obidalarni ziyorat qilishadi.