Urug‘lik g‘alla yetishtirish bo‘yicha tender tanloviga marhamat!

O‘zbekiston Respublikasi Adliya vazirligida 2016 yil 3 fevraldagi  1551-3- sonli raqami bilan qayta  ro‘yxatga olingan “Super elita, elita va keyingi avlodga mansub urug‘lik g‘alla yetishtirish huquqiga ega bo‘lish uchun xo‘jaliklar o‘rtasida tanlov o‘tkazish tartibi to‘g‘risidagi NIZOMI” ga asosan 2023 yil hosilidan sifatli urug‘lik g‘alla tayyorlash maqsadida fermer xo‘jaliklari o‘rtasida joylarda tender tanlovi o‘tkaziladi.

Tender tanlovida qatnashuvchi fermer xo‘jaliklari 2022 yilning 16 avgustga qadar tanlov komissiyasiga quyidagi xujjatlar to‘plamini taqdim etishlari shart.

1. 1. Tender tanlovi komissiyasi nomiga ariza va 1-10 gacha bo‘lgan quyidagi tegishli shakllar;
2. 2. Fermer xo‘jaligini tashkil etish to‘g‘risidagi qaroridan nusxa;
3. 3. Tuman yer resurslari va davlat kadastri bo‘limining fermer xo‘jaligi dalasi har bir konturlarining ball boniteti to‘g‘risidagi ma’lumotnomasi;
4. 4. G‘alla yetishtiriladigan maydon to‘g‘risidagi tuman QSXB ma’lumoti;

5.Oqar suv ta’minoti bo‘yicha tuman irrigatsiya tizimi boshqarmasi ma’lumoti;

6. 6. So‘ngi 3 yilda g‘alla maydonlari kasallik va zararkunandalar bilan zararlanmaganligi, shuningdek ularda begona o‘t tarqalmaganligi to‘g‘risida karantin inspeksiyasi ma’lumotnomasi:
7. Fermer xo‘jaligi rahbarining mutaxassisligi va ma’lumoti to‘g‘risidagi diplomi tasdiqlangan holdagi nusxasi;
8. Fermer xo‘jaligi rahbarining qishloq xo‘jalik sohasidagi ish staji haqidagi mehnat daftarchasidan tasdiqlangan holdagi nusxasi;
9. Xo‘jalikda ishlayotgan urug‘chi agronomining ma’lumoti to‘g‘risidagi diplomi tasdiqlangan holdagi nusxasi;
10. Xo‘jalikning majburiyatlardan holi bo‘lgan bank hisob varag‘ida mavjud pul mablag‘i to‘g‘risida bank ma’lumotnomasi;
11. Xo‘jalikning texnika vositalari tuman “Davtexnazorat” inspeksiyasining texnik ko‘rigidan o‘tkazilganligi to‘g‘risidagi ma’lumotnomasi hamda texnikalarining texpasporti nusxasi;
12. So‘ngi 3 yil ichida g‘alla xomashyosini yetkazib berish bo‘yicha kontraktatsiya shartnomalarining bajarilishi to‘g‘risida g‘alla tuman DQQSh ma’lumotnomasi;
13. Fermer xo‘jaligining mavjud debitor va kreditorlik qarzdorligi to‘g‘risida tuman QSXB va tuman Fermer, dehqon xo‘jaliklari va tomorqa yer egalari kengashi ma’lumotnomasi:

Shuningdek, fermer xo‘jaligining yer ball boniteti 45 balldan past bo‘lmasligi, 3 yil davomida yuqori hosil olganligi,  talab etiladi.

Tanlov o‘tkazish muddati: 2022 yil 18 avgustda bo‘lib o‘tadi.  

    Belgilangan kunda tanlovda ishtirok etmagan fermer xo‘jaliklariga urug‘lik g‘alla yetishtirish huquqi berilmaydi. 

 Angor tuman Qishloq xo‘jaligi bo‘limi