Konstitutsiyaviy islohotlar – yoshlar nigohida

Surxondaryo viloyati hokimi Toʻra Bobolov ishtirokida tumanlarda "Konstitutsiyaviy islohotlar – yoshlar nigohida” shiori ostida Konstitutsiyaviy qonun loyihasining umumxalq muhokamasiga bagʻishlangan ochiq muloqotlar oʻtkazilmoqda.

Navbatdagi ochiq muloqot Angor tumanining Qoʻshtegirmon mahallasida boʻlib oʻtdi. Unda mutasaddi tashkilot rahbarlari, yoshlar, xotin-qizlar va nuroniylar ishtirok etdi.

Tadbirda viloyat hokimi ishtirokchilarga qonun loyihasining mazmun-mohiyati, kiritilayotgan oʻzgartish va qoʻshimchalar haqida maʼlumot berib oʻtdi. Bu siyosiy islohotning Yangi Oʻzbekistonni rivojlantirishdagi oʻrni, inson qadrini ulugʻlashdagi ahamiyati haqida ham soʻz yuritdi.

Shuningdek, tadbir davomida shaxmat-shashka, “Zakovat” intelektual oʻyini va “Yosh kitobxon oila” koʻrik tanlovlari tashkil etildi. Yakunda gʻolib boʻlgan ishtirokchilarga sovgʻalar topshirildi.