“Tashabbusli budjet” ijrosi nazoratda

Oʻzbekiston Respublikasi Prezidentining 2021-yil 13-apreldagi “Budjet jarayonida fuqarolarning faol ishtirokini ta’minlash boʻyicha qoʻshimcha chora-tadbirlar toʻgʻrisida”gi PQ-5072-sonli qarori hamda sohaga doir boshqa qonun hujjatlari ijrosi yuzasidan “Ochiq budjet” axborot portali orqali fuqarolar tomonidan bildirilgan takliflar asosida 2022-yil aprel oyida Angor tumani boʻyicha jami 11 ta loyihalar gʻolib deb topildi.
Joriy yilda birinchi bosqich uchun loyihalarni amalga oshirish boʻyicha 2022-yilgi tuman mahalliy budjetining jami rejasining 2,5 foiz, 2021 yil yakuniga koʻra shakllangan qoʻshimcha mablagʻlar hamda
2022-yilning 1-yanvar holatiga shakllangan erkin qoldiq mablagʻlari hisobidan “Fuqarolar tashabbusi budjeti” jamgʻarmasiga jami 4, mlrd 210 mln soʻm mablagʻ ajratildi.
Bundan tashqari, Oʻzbekiston Respublikasi Prezidentining 2022-yil 7-apreldagi “Tuman va shahar budjetlari mablagʻlarini jamoatchilik fikri asosida shakllantirilgan tadbirlarga yoʻnaltirish jarayonlarida fuqarolarning ishtirokini yanada qoʻllab-quvvatlash toʻgʻrisida”gi PQ-197-sonli qarori bilan 2 mingdan ortiq ovoz toʻplagan, lekin gʻolib deb topilmagan loyihalarni amalga oshirish uchun qoʻshimcha
935,9 mln soʻm mablagʻ ajratildi.
Ulardan 500 mln soʻmlik 1 tasini ichki yoʻllarni ta’mirlash, 2 mlrd 188 mln 182 ming soʻmlik 5 tasini umumta’lim maktablarni ta’mirlash va jihozlash, 950 mln soʻmlik 1 tasini tibbiyot muassasalarini ta’mirlash va jihozlash, 547 mln 734 ming soʻm soʻmlik 2 tasini mahalla fuqarolar yigʻinlarining ma’muriy binosini tamirlash, 360 mln soʻmlik 1 tasini tuman markaziy koʻchalariga tungi yoritqich chiroqlarni oʻrnatish, 600 mln soʻmlik 1 tasini qabriston hududlarni obod etish toʻsiq devorlar bilan oʻrash boʻyicha loyihalar tashkil etadi.
Hozirda, mazkur loyihalar ijrosi yuzasidan loyiha-smeta hujjatlari ishlab chiqish va tegishli ekspertizadan oʻtkazish ishlari boshlab yuborilgan boʻlib, jarayonlar viloyat prokuraturasi, viloyat moliya bosh boshqarmasi va boshqa tegishli tashkilotlar vakillari ishtirokidagi ishchi guruhlar tomonidan alohida nazoratga olingan.

Sh.X.Normurodov
Angor tuman prokurori
katta yordamchisi