Murojaat va yechim

Joriy yilning 5 mart kuni Angor tumani hokimi Shohjahon Abdullayev boshchiligida 5-sonli umumta’lim maktabida sayyor qabul oʻtkazilgandi. Unda Gulzor mahallasida yashovchi fuqaro Shavkat Ashurov ham ishtirok etib, poyabzal ta’mirlash uchun maxsus tikuv mashinkasi olishda amaliy yordam soʻragandi. Uning murojaati oʻrganilib, ijobiy hal etildi.
Mahallamizga biriktirilgan hokim yordamchisi oilaviy sharoitimizni oʻrgandi va subsidiya asosida yordam berilishini aytdi. Koʻp vaqt oʻtmay ta’minotchi kelib, bitmay qolgan uyimizning xonasini ta’mirlab berdi. Shundan soʻng, tikuv mashinkasi va kerakli jihorlarni olib kelib berishdi. Oldin koʻchada oddiygina stol ustida qoʻlbola qilib tikib, mijozlarga xizmat koʻrsatardim. Sifati unchalik yaxshi chiqmasdi. Davlatimiz tomonidan menga koʻrsatilgan koʻmakdan xursandman, deydi Shavkat Ashurov.