Yangi Oʻzbekistonning iste’dodli yoshlari

Joriy yilning 25-27-mart kunlari Rossiya Federasiyasining Sank-Peterburg shahrida boʻlib oʻtgan “Zolotoy feniks” xalqaro koʻrik tanlovida bir guruh oʻzbekistonlik yoshlar ham ishtirok etdi. Ular orasida Angor tumanidagi 9-sonli Bolalar musiqa va san’at maktabining oʻquvchisi Shukrona Abdullazizova ham bor edi. U tanlovda fortapiano yoʻnalishi boʻyicha ishtirok etib, gʻolib sifatida III darajali diplom bilan taqdirlandi.

Bugun, 9-sonli Bolalar musiqa va san’at maktabida “Yangi Oʻzbekistonning iste’dodli yoshlari” mavzusida tadbir tashkil etildi. Tadbir avvalida, tuman hokimi oʻrinbosari Ohunjon Umarov soʻzga chiqib, yurtimizda yoshlar uchun yaratilayotgan imkoniyatlar va ularning erishayotgan yutuqlari haqida ta’kidlab oʻtdi.

Shundan soʻng, xalqaro tanlov gʻolibi Shukrona Abdullazizova hamda uning ustozi Safar Ziyoqulovga tuman hokimligining faxriy yorligʻi hamda sovgʻalari taqdim etildi.