Angor tumanida “Shukrona” maishiy ovqatlanish shoxobchasining ochilish marosimi bo‘lib o‘tdi.

Bugun, 30-mart kuni Angor tumanining Yangi turmush mahallasida joylashgan “Shukrona” maishiy ovqatlanish shoxobchasining ochilish marosimi bo‘lib o‘tdi. Unda tuman hokimi Shohjahon Abdullayev, tashkilot mas’ullari va jamoatchilik vakillari ishtirok etdi.

Umumiy qiymati 7 mlrd so‘mlik bo‘lgan ushbu maishiy ovqatlanish shoxobchasi orqali bir vaqtning o‘zida 600 kishiga xizmat ko‘rsatiladi. Tadbirkor Ural Sherliyevning tashabbusi bilan 60 nafar tumandoshimiz yangi ish o‘rni bilan ta’minlandi.
Ochilish marosimiga taklif etilgan mehmonlar bir piyola choy ustida suhbat qilib, yurtimizda mana shunday bunyodkorlik, ma’murchilik, farovonlik barqaror bo‘lishini tilab duoga qo‘l ochdilar.

Ma’lumot o‘rnida, loyiha tadbirkorning 6 mlrd 200 mln so‘m o‘z mablag‘i va 800 mln so‘m bank krediti evaziga amalga oshirildi.