Baliqchilik yetti xazinaning biri

Yurtimizda qishloq xoʻjaligining alohida tarmoqlaridan biri boʻlgan baliqchilik tarmogʻini rivojlantirish, parhezbop va foydali ne’matni etishtirishni yoʻlga qoʻyish yuzasidan qator ishlar amalga oshirilmoqda. Yetti xazinaning biri boʻlgan baliqchilikni ota-bobolarimiz azaldan halol va pok luqma sifatida e’tirof etib kelishgan. Shu bois ham mamlakatimizda aholining baliq mahsulotlariga boʻlgan ehtiyojini ta’minlash uchun tadbirkorlikning yangi yoʻnalishlarini rivojlantirish, shuningdek, joylarda yangi ish oʻrinlari yaratishga e’tibor qaratilgan. Angor tumanida ham bugungi kunda 81.1 gektar sun’iy suv havzalarida 20 ta baliqchilik xoʻjaliklari faoliyati yoʻlga qoʻyilgan boʻlib, jami 40 ta yangi ish oʻrni yaratilgan. Tumanning Bahor mahallasi hududidagi “Favvora nur” baliqchilik klasterining tashkil etilganligiga 4 yildan oshdi. Shu yillar davomida xoʻjalikda sazan va oq amur kabi baliq turlari parvarishlanmoqda.
Albatta, mamlakatimizda baliqchilikning rivojlanishi aholining baliq va baliq mahsulotlariga boʻlgan talabini qondirish, ularning turini koʻpaytirish va tannarxini arzonlashtirish, aholi salomatligini mustahkamlashga xizmat qiladi.