Bugun, Xalq deputatlari Angor tumani Kengashining qirq uchinchi sessiyasi

Bugun, Xalq deputatlari Angor tumani Kengashining qirq uchinchi sessiyasi bo‘lib o‘tdi. Sessiyani Xalq deputatlari tuman Kengashi raisi, tuman hokimi Shohjahon Abdullayev boshqarib bordi. Unda tuman Kengashi deputatlari, sektor rahbarlari, tashkilot va muassasalar rahbarlari hamda ommaviy axborot vositalari vakillari ishtirok etdi. Sessiyada jinoyatlarning oldini olish va huquqbuzarliklar profilaktikasi yuzasidan 2021-yil davomida amalga oshirilgan ishlar to‘g‘risida tuman ichki ishlar bo‘limi boshlig‘i Dilmurod  Qurbonovning hisoboti tinglandi.

Kun tartibidagi keyingi masala qonuniylikni mustahkamlash, fuqarolarning huquq va erkinliklarini muhofaza qilish, jinoyatchilik va huquqbuzarliklarning oldini olish yuzasidan 2021-yil davomida amalga oshirilgan ishlar haqida tuman  prokurori Sirojiddin Ramazonovning axboroti muhokama qilindi. Shundan so‘ng,  O‘zbekiston Respublikasi Prezidentining “Sud hujjatlari va boshqa organlar hujjatlarini ijro etish tizimini yanada takomillashtirish chora-tadbirlari to‘g‘risida”gi Farmoni ijrosi yuzasidan O‘zbekiston Respublikasi Bosh prokuraturasi huzuridagi Majburiy ijro byurosining Angor tuman bo‘limi boshlig‘i Bahodir Mamataliyev hisoboti eshitildi.

Sessiya yakunida kun tartibiga kiritilgan masalalar yuzasidan tegishli qarorlar qabul qilindi.