Dekabr oyi ijtimoiy fanlar oyligi deb e’lon qilingan.

Angor tumanidagi umumta’lim maktablarida dekabr oyi ijtimoiy fanlar oyligi deb e’lon qilingan. Shu munosabat bilan barcha maktablarda tarix va huquq fanlari bo‘yicha ochiq darslar, o‘quvchilar o‘rtasida o‘zaro bellashuvlar, davra suhbatlari o‘tkazilmoqda.
Jumladan, 29-sonli umumta’lim maktabida seminar bo‘lib o‘tdi. Seminar avvalida, besh tashabbus doirasida tashkil etilgan ko‘rgazmalar namoyishini ishtirokchilar tomosha qilishdi. O‘quvchilar tomonidan ijro etilgan kuy-qo‘shiqlar ham yig‘ilganlarga ko‘tarinki kayfiyat ulashdi. Shundan so‘ng, ochiq dasr mashg‘ulotlari o‘tkazildi.
Bunday tadbirlarning o‘tkazilishi o‘quvchilarning ijtimoiy fanlar borasidagi bilimlarini yuksaltirishg‘a hamda huquqiy savodxonligini oshirishga xizmat qiladi.