Sog‘lom va barkamol oila

O‘zbekiston Respublikasi Prezidentining 2020-yil 24-yanvardagi “O‘zbekiston Respublikasida jismoniy tarbiya va ommaviy sportni yanada takomillashtirish va ommalashtirish chora-tadbirlari to‘grisida”gi qarori ijrosini ta’minlash maqsadida Angor tumanida "Sog‘lom va barkamol oila" sport musobaqasi va kitobxonlik bellashuvi bo‘lib o‘tdi. Ichki ishlar bo‘limi hamda Mahalla va oilani qo‘llab –quvvatlash bo‘limi hamkorligida tashkil etilgan musobaqada uchinchi sektor hududidagi mahallalarda shaxmat va shashka shuningdek, kitobxonlik musobaqalarida g‘olib bo‘lgan 38 ta oila ishtirok etdi.
Musobaqa yakunida g‘olib bo‘lgan ishtirokchilarga tashkilotchilar tomonidan sovg‘alar topshirildi. Shuningdek, ular musobaqaning viloyat bosqichida ishtirok etish yo‘llanmasini qo‘lga kiritdilar.