“Voyaga yetmaganlar o‘rtasida jinoyatchilikning oldini olish” mavzusida tadbir bo‘lib o‘tdi

Angor tumanidagi 3-sonli ixtisoslashgan Davlat umumta’lim maktabida “Zo‘ravonlikka qarshi 16 kun” aksiyasi doirasida “Voyaga yetmaganlar o‘rtasida jinoyatchilikning oldini olish” mavzusida tadbir bo‘lib o‘tdi. Unda tuman hokimi o‘rinbosari Farid Umarov, ichki ishlar bo‘limi xodimi Tohir Kochov, maktab psixologlari ishtirok etishdi. Tadbir davomida zo‘rovonlikka qarshi kurashish maqsadida tumanda olib borilayotgan ishlar xususida to‘xtalib o‘tildi. Shuningdek, psixologlar o‘rtasida trening mashg‘ulotlari o‘tkazildi. O‘quvchilar ishtirokida namoyish etilgan badiiy chiqishlarda ham zo‘ravonlikning ayrim ko‘rinishlari aks ettirildi.