Angor tumani hokimi Shohjahon Abdullayevning "Yangi yil" munosabati bilan bayram tabrigi

Assalomu alaykum qadrli tumandoshlar!

Avvalo barchangizni kirib kelayotgan yangi – 2022-yil bilan chin qalbimdan, samimiy muborakbod etaman.  Ona O‘zbekistonimiz mustaqillikka erishgandan keyin o‘tgan har bir yilimiz mamlakatimiz tarixi solnomalarida yangi sahifalar ochayotganiga guvohmiz. Bu jarayon yil sayin yanada yorug‘ kunlarni olib kelmoqda. Ayniqsa, so‘ngi yillarda Prezidentimiz rahbarliklarida mamlakatimizda inson manfaatlari yo‘lida amalga oshirilayotgan beqiyos islohotlar, shahar-u qishloqlardagi bunyodkorlik hamda obodonchilik ishlari, yaqin qo‘shni va uzoq mamlakatlar bilan joriy etilayotgan do‘stona munosabatlar har birimizga faxr-iftixor bag‘ishlayapti.

Biz uchun quvonchlisi yana shundaki, Angor tumanida ham  2021-yilda barcha sohalarda xalqimizning fidokorona mehnati evaziga katta o‘zgarishlarni amalga oshirdik. Istiqbolli loyihalar amaliyotga tatbiq etildi va yangi ish o‘rinlari yaratildi. Shuningdek, boshqa sohalarda ham yutuqlarga, muvaffaqiyatlarga erishildi.

 Yangi — 2022-yilda ham o‘z oldimizga qo‘ygan ulkan maqsad hamda rejalarimizni birgalikda amalga oshirib, tumanimizning yanada obod va ko‘rkam bo‘lishida samarali mehnat qilamiz. Tadbirkorlik va xususiy mulkni qo‘llab-quvvatlash ishlarini davom ettiramiz. Ehtiyojmand oilalar va yordamga muhtoj insonlarni himoya qilishga, aholi daromadlarini oshirishga e’tiborni yanada kuchaytiramiz. Xonadonlarimiz farishtasi bo‘lgan nuroniylar, opa-singillarimiz va yoshlarimizga g‘amxo‘rlik ko‘rsatish doimo bosh vazifalarimizdan biri bo‘lib qoladi.

   Ezgu qadamlar bilan kirib kelayotgan 2022-yil ham muqaffaqiyatlarga va yutuqlarga boy yil bo‘lsin.  Bu borada esa barchamiz yakdillikda, birgalikda faoliyatimizni davom ettiramiz.

Aziz tumandoshlar!

   Kirib kelayotgan Yangi yil bilan yana bir marta qutlar ekanman, Sizlarga sihat-salomatlik, oilaviy baxtiyorlik, tinchlik, xotirjamlik, boshlagan barcha xayrli ishlaringizga omadlar tilayman. Bayram muborak bo‘lsin.