Yo‘llar ta’mirlanmoqda

O‘zbekiston Respublikasi Prezidentining 2021-yil 13-apreldagi "Budjet jarayonida fuqarolarning faol ishtirokini ta’minlash bo‘yicha qo‘shimcha chora-tadbirlar to‘g‘risida"gi qarori ijrosini ta’minlash maqsadida Angor tumani bo‘yicha jamoatchilik fikri asosida tadbirlarni moliyalashtirish yuzasidan “Ochiq budjet” axborot portaliga 70 ta manzilli ro‘yxat e’lon qilinib, 6 ta loyiha bo‘yicha g‘oliblar aniqlangandi. Ma’lumot o‘rnida aytish kerakki, g‘olib deb topilgan loyihalar uchun jami 1 mlrd 223 mln so‘m mablag‘ ajratilgan. Jumladan, Zartepa mahallasining “Mustaqillik” hamda “Istiqlol” ko‘chalarini asfalt qilish uchun 647 000 000 so‘m ajratilihgan. Hozirgi kunda ushbu loyiha doirasida ichki ko‘chalarni asfaltlash ishlari amalga oshirilmoqda.