TABRIK SO‘ZI
Assalomu alaykum, hurmatli tadbir ishtirokchilari, himmati baland fermerlar, mehnatkash, zahmatkash bobodexqonlar, bayramimizning aziz mehmonlari!
Avvalo, Siz, aziz dexqon va fermerlar, suvchi, agranom va mexanizatorlarni, barcha dala mexnatkashlarini “Qishloq xo‘jaligi xodimlari kuni” hamda “Hosil bayrami” bilan samimiy muborakbod etaman.
Joriy yilda tumanimiz agroklasterlari va fermer xo‘jaliklari qishloq xo‘jaligida ulkan marralarni zabt etishdi, ya’ni 2021 yil hosili uchun yetishtirilgan davlatga paxta va g‘alla sotish majburiyatlarini sharaf bilan ado etishdi.
O‘z hayotini dunyodagi eng mashaqqatli va oliyjanob ishga bag‘ishlagan Sizdek, fidoiy insonlarning yil bo‘yi ter to‘kib qilgan mehnatingiz hisobidan joriy yil mavsumida tumanimiz 18 ming 135 tonna boshoqli don yetishtirib, davlatga g‘alla sotish rejasini 110,4 foizga bajardi. Bundan tashqari, fermer xo‘jaliklarining oilaviy budjetiga 16 ming 684 tonnadan ortiq g‘alla qo‘shimcha daromad keltirildi.
Bu yilgi mavsumda tumanda 10 ta o‘rim otryadlari tashkil etilib, 20 ta kombaynlar o‘rim-yig‘imda qatnashib, bir kunda o‘rtacha 450 gektar g‘alla maydonlari o‘rildi. Kunlik 1000 tonnadan ortiq davlatga g‘alla sotildi.
Bu yil davlatga 20 ming 49 tonnadan ortiq paxta xom ashyosi topshirilib reja 103.35 foizga bajarildi. Davlatimizning, Muhtaram Prezidentimizning yuksak ishonchini oqlashga musharraf bo‘ldik.
Bugungi xursandchilik kunda g‘alla shartnoma majburiyatlarini birinchilardan bo‘lib bajargan, jumladan 60 sentnerdan oshirib hosil olgan “Angor Surxon g‘ururi” MChJ klasteri, “Sayidnosirxon”, “Muhammadali oq oltini”, “Nev Progres”, “Murod Qushbegi”, “Mamirqulov Shoqul”, “Saidmalikxon Angor”, “Agroeksport Tallimaron”, “Xonnazarov Zafar”, “Chorvador Normo‘min” va “Ravshanbek polvon Angor” kabi ko‘plab fermer xo‘jaliklarimiz yuksak don xirmonini bunyod etishda munosib hissa qo‘shganini mamnuniyat bilan e’tirof etaman.
Ulkan xirmonni bunyod etgan, barchamizning rizqu-nasibamiz, nonimizni butun qilayotgan dehqon va fermerlarimiz, soha mutaxassislarini mardona mehnatiga qoyil qolib, ularga har qancha minnatdorlik bildirsak, arziydi, albatta.
Haqiqatdan ham, yaqin o‘tmishda chetdan kimlargadir yalinib, katta-katta mablag‘lar evaziga don olib keladigan xatto, bir hafta-o‘n kunga yetadigan un zaxirasi qolgan og‘ir kunlarni boshidan kechirgan O‘zbekiston bugungi kunda 33 mln dan ziyod aholisini nafaqat g‘alla bilan ta’minlayotgan, kerak bo‘lsa, uni eksport qilayotgan mamlakatga aylangani barchamizga g‘urur va iftixor bag‘ishlaydi.
Qadrli do‘stlar!
Shu kunlarda butun mamlakatimizda yangi yil bayramini barcha jabhalarda munosib kutib olish uchun qizg‘in tayyogarlik ko‘rilmoqda. Ushbu yaqinlashib kelayotgan “Yangi yil” bayramiga angorliklar ham barcha sohalarda munosib yutuqlari bilan peshvoz chiqmoqdalar. Paxtakor va g‘allakorlarimizning joriy yildagi g‘alabasi mamlakatimizda pandemiya davrida oziq-ovqat va g‘alla mustaqilligini mustahkamlashga qo‘shgan munosib hissallari bo‘ldi, deb hisoblayman.
Muhtaram do‘stlar!
Mana shunday kunda Sizlarni, Siz orqali barcha qishloq xo‘jaligi korxonalari va fermerlarimizni hosil bayrami hamda bu yilgi yuksak mehnat g‘alabasi bilan yana bir bor tabriklab, barchangizga dilimdagi eng ezgu tilaklarimni izhor etaman.
Halol mehnatingizni rohatini ko‘ring, xonadonlarimizdan fayzu baraka hech qachon arimasin, yurtimiz tinch, mamlakatimiz obod, Prezidentimiz har doim omon bo‘lsinlar.
E’tiborlaringiz uchun rahmat