Angor tumani hokimi Shohjahon Abdullayevning tuman aholisiga murojaati

     Assalomu alaykum, hurmatli tumandoshlar!

    Xabaringiz bor, Prezidentimiz Shavkat Miromonovich Mirziyoev raisligida joriy yilning 2 noyabr kuni o‘tkazilgan  videoselektor yig‘ilishida “Yashil makon” umummilliy loyihasi doirasida 200 million tup daraxt va buta ko‘chatlarini ekish va shu orqali shaharlardagi yashil maydonlarni oshirish yuzasidan daraxt ekish bo‘yicha «Dolzarb 40 kunlik» e’lon qilingan.  Loyiha doirasida daraxtlarni ekish, parvarishlash va ko‘kalamzorlashtirish, tabiatni ekologik asrash hamda aholi salomatligini ta’minlash maqsadida Angor tumanida ham joriy yil kuz va 2022 yil bahor mavsumida 1 mln 67 ming 400 tup manzarali, mevali daraxt va buta ko‘chatlarini ekish  ko‘zda tutilgan.

Qadrli tumandoshlar!

“Dolzarb qirq kunlik” davomida ko‘chat va qalamchalarni yetkazib berish hamda ekish ishlarini muvofiqlashtirish uchun tuman hokimligining ishchi guruhi tashkil etilgan. Ishchi guruh tomonidan joriy yil kuz va 2022 yil bahor mavsumlarida ko‘kalamzorlashtirish, manzarali, mevali daraxt va buta ko‘chatlarini ekish ishlarini tizimli, uyushqoqlik bilan tashkil etish bo‘yicha chora-tadbirlar rejasi ishlab chiqilgan.

Hurmatli angorliklar!

Ayni kunlarda tumandagi tashkilot, korxona, muassasa va aholi yashash xonadonlarida shuningdek, yo‘l yoqalarida ko‘chat ekish ishlari olib borilmoqda.  Ushbu xayrli tashabbus xalqni bir maqsad yo‘lida birlashtirdi, hamjihatlik bilan yurtni obod qilishga chorladi. Tumanda ko‘chat ekish umumxalq harakatiga aylanib ketdi. 

  Ma’lumki, ko‘chat ekib, bog‘ yaratish-xalqimizning azaliy qadriyatlaridan biri hisoblanadi. Shu bois ham, yurtimizni yashil makonga aylantirish maqsadadi uyushqoqlik bilan hamjihatlikda tashkilot, korxona va muassasa hamda mahallalarda, shuningdek, ko‘cha bo‘ylariga manzarali, mevali daraxt ko‘chatlarini ekish tadbirlarida faol ishtirok etaylik.