Yerdan unumli foydalanilmoqda

    Angor tumanida g‘alladan bo‘shagan yerlardan unumli foydalanish maqsadida ishsiz aholi va yoshlar, shuningdek, «Temir daftar», «Ayollar daftari», «Yoshlar daftari» ro‘yxatidagi fuqarolarga yer ajratib berilgandi. Xususan, tumanning ikkinchi sektoriga qarashli 9 ta mahallada jami  1300 gektar yer madoni takroriy ekin ekish uchun 1560 nafar fuqaroga berildi. Hozirgi kunda dalalarga yeryong‘oq, mosh, loviya kabi qishloq xo‘jaligi mahsulotlari ekib parvarish qilinmoqda. Tumanning “Kattaqum” mahallasida yashovchi Ravshan Eshboev ham “Yoshlar daftari”ga kiritilganligi sababli unga 20 sotix yer berilgandi.

  -Ilgari xorijiy davlatlarga borib ishlab kelardim. Ishsiz bo‘lganligim uchun “Yoshlar daftari”ga kiritildim va menga ham takroriy ekin ekish uchun yer ajratildi. Hozirda oilam bilan birgalikda dehqonchilik qilyapmiz. Unumdor, suvga yaqin joydan yer berilganligi ayni muddao bo‘ldi. Dalaga yeryong‘oq ekkanmiz. Nasib bo‘lsa, yaxshi hosil olib, oilamiz budjetiga  qo‘shimcha daromad topamiz. Buning uchun prezidentimiz va sektor rahbarlarimizdan mamnunmiz,-deydi Ravshan Eshboev.