Yoshlar uchun yer ajratildi

   Joriy yilning 8 iyun kuni davlatimiz rahbari tomonidan o‘tkazilgan videoselektor yig‘ilishida berilgan topshiriqlar ijrosini ta’minlash maqsadida Angor tumanida o‘quv amaliy seminar o‘tkazildi. Seminarda O‘zbekiston fermer, dehqon xo‘jaliklari va tomorqa yer egalari kengashi raisi Aktam Hayitov, viloyat sektor rahbarlari hamda Angor, Qiziriq, Bandixon, Jarqo‘rg‘on, Termiz, Sherobod va Muzrabot tumanlaridan aloqador tashkilot vakillari ishtirok etdi.  Ish bilan band bo‘lmagan aholining daromadlarini ko‘paytirish maqsadida, g‘alladan bo‘shagan maydonlardan yer ajratib berish mavzusiga bag‘ishlangan seminar davomida “To‘lqin” mahallasida yashovchi yoshlarga 20 sotixdan yer berildi.

-Xonadonimizda uchta oila yashaymiz. Tomorqamiz 10 sotixdan iborat. Dehqonchilik bilan doimiy shug‘ullanib kelamiz. “Yoshlar daftari”ga kiritilganligim uchun 20 sotix yer berildi. Bu oilamiz uchun ayni muddao bo‘ldi. Endilikda qo‘shimcha yerdan ham daromad topib, oilamiz budjetini yaxshilash imkoniyatiga egamiz. Tayyor haydalgan joyga bozorbop mahsulotlarni ekishni rejalashtiryapmiz,-deydi A.Xolmurodov.