Shonli tarixdan buyuk kelajak sari

  Angor tumanidagi 9-sonli Bolalar musiqa va san’at maktabida “Shonli tarixdan buyuk kelajak sari” mavzusida o‘tkazilgan tanlov g‘oliblarini taqdirlash marosimi bo‘lib o‘tdi. Ushbu tanlov tuman hokimligi, Ma’naviyat va ma’rifat bo‘linmasi,  Xalq ta’limi bo‘limi  hamda O‘zbekiston yoshlar ittifoqi tuman Kengashi bilan hamkorlikda tashkil etildi. Tanlovda 14 yoshdan 30 yoshgacha bo‘lgan yoshlar ishtirok etdi. G‘oliblar 3 ta nominatsiya bo‘yicha aniqlandi.

“Eng yaxshi she’riy asar” nominatsiyasi bo‘yicha birinchi o‘rinni 4-sonli umumta’lim maktabi o‘quvchisi Aziza Chorieva, “Eng yaxshi hikoya” nominatsiyasi bo‘yicha birinchi o‘rinni 33-sonli umumta’lim maktabi o‘quvchisi Mahliyo Xudoynazarova, “Eng yaxshi badiiy-publitsistik asar” nominatsiyasi bo‘yicha birinchi o‘rinni 1-sonli umumta’lim maktabi o‘quvchisi Nilufar Dovudalieva qo‘lga kiritdi. G‘olib bo‘lgan yoshlarga tuman hokimligining sovg‘alari topshirildi.