Internetdagi TOP firibgarlar

  Texnika asri shu qadar shiddat bilan odimlamoqdaki, hatto yangi texnologiyalarni tushunib ulgurmasimizdan yangilari kashf etilmoqda.

Sodda va ishonuvchan xalqimiz nimanidir anglab yetmasidan uddaburon firibgarlar otni qamchilab qolmoqda. Pulidan ayrilgan fuqarolar barchasini tushunib yetganida kech bo‘lgan bo‘ladi. So‘ngi pushaymon esa o‘zinga dushman. Siz azizlarga hozirgi vaqtda internetda avj olayotgan TOP firibgarlar haqida ma’lumot berishga qaror qildik.

1- qism. Xorijdagi katta meros.

Agar siz shaxsiy ma’lumotlaringizni internetda joylashtirgan bo‘lsangiz, kuting, albatta bir kun pochtangizga xorijlik firibgardan taxminan quyidagicha xabar keladi: "Salom, men palonchiman, ism-familiyasi aynan sizning ism-familiyangiz bilan bir xil bo‘lgan mening hamkasbim avtohalokat tufayli halok bo‘ldi va uning katta miqdordagi (kamida 1 mln dollar) puli egasiz qolib ketdi. Men bir yildan buyon internetdan uning qarindoshlarini izlamoqdaman. Mana oxiri sizni topdim. Agar siz shu odamning qarindoshi bo‘lsangiz kelib uning merosini olib keting."

Agarda uning aldoviga ilinsangiz nima bo‘ladi?

1- bosqich.  "meros"ni sizning nomingizga rasmiylashtirish uchun kamida 1000 dollar so‘raydi. Tabiyki siz uni jo‘natasiz.

2-bosqich. Viza harajatlari uchun yana kamida ming "ko‘ki"dan so‘raydi.

3-bosqich. Qullik. Ya’ni uning aldoviga uchib begona davlatga borasiz va qopqonga tushasiz.

2- qism.

Sportga pul tikish

Har birimiz tobora har kuni duch keladigan telegramdagi reklama bu - sportga pul tikish! Deyarli bir xil ssenariy: qimmatbaxo mashinalar, pullar, sen ham menday yashaging kelyaptimi? Unday bo‘lsa men bilan birga sportga pul tik, mana men shuning orqasidan mazza qilib yashayapman" deb safsata sotayotgan firibgarni barcha ko‘rgan bo‘lsa kerak. Ularning deyarli 99 % yolg‘ondan iborat. Haqiqat shundaki, agar sportga pul tikib boyib ketish ular aytganidek oson bo‘lganida edi, ular arendaga mashina olib, soxta dollar sotib olib, telegramda kanal ochib, unga pul sarflab reklama qilib ovora bo‘lib yurmas edi. Sizga indamasdan boyib ketishgan bo‘lar edi. Xo‘sh, agarda uning aldoviga ilinsangiz nima bo‘ladi? Haqiqat shuki u firibgarlar pulni aynan kanal obunachilaridan oladi. Hech qanday sportdan boyib ketmaydi.           1- bosqich.  Kanaliga a’zo bo‘lasiz, boshlanishiga kichikroq summadan pul  tikishingizni so‘raydi. Boshlanishiga sizga ozroq yutuqlar berib turadi.

2-bosqich. Sizni kuzatib boradi. Agar yolg‘onlariga berilib katta summalarga tayyor bo‘lsangiz, katta o‘yinlarga "tayyor tahlil"larni sotib olishingizga undaydi. Xattoki uy va mashinasini sotib yuborgan odamlarning ham guvohi bo‘lyapmiz.

3- qism. Tabriklaymiz aksiya g‘olibisiz!

    Menimcha buni televizordan ko‘raverib zerikib ketgansiz, har ehtimolga qarshi aytib o‘tganimoqchimiz. Kunlarning birida sizga qandaydir musobaqada g‘olib bo‘lganligingiz va ushbu pulni sizga topshirishlari uchun plastik karta raqamingizni berishingizni so‘rashadi. Tabiyki agar sizda plastik karta bo‘lsa, raqamini jo‘natib yuborasiz.

Xo‘sh, agarda uning aldoviga ilinsangiz nima bo‘ladi?

1- bosqich.  Siz bilan iliq munosabat o‘rnatadi, tabriklaydi va h.k. Ishonchingizga kirib plastik kartangiz ma’lumotlarini o‘zlashtiradi.

2-bosqich. Telefoningizga kelgan sms xabar yordamida kartangizni o‘ziga "ulab" oladi va barcha pulingizni bir zumda yechib oladi. U vaqtda siz aksiyadagi "yutuq" puliga nimalarnidir rejalashtirayotgan bo‘lasiz!

Agar sizda yoki do‘stingizda shu voqealar sodir bo‘lishni boshlagan bo‘lsa qaysi bosqichga yetganidan qat’iy nazar TO‘XTANG!!!

B.Chorshanbiev JIB Angor tuman sudi devonxona mudiri.