Angor tumanida Oʻzbekiston Respublikasi Prezidenti huzuridagi Davlat xizmatini rivojlantirish agentligi Surxondaryo viloyati filiali tomonidan “Mahallabay” ishlash tizimini samarali tashkil qilish yuzasidan seminar boʻlib oʻtdi.

Unda sektor rahbarlari, hokim oʻrinbosarlari, sektor kotiblari, hokim yordamchilari, yoshlar yetakchilari va xotin-qizlar faollari ishtirok etishdi.

Seminarda hududlarni kompleks ijtimoiy-iqtisodiy rivojlantirish boʻyicha sektorlar faoliyati samaradorligini baholashga oid asosiy indikatorlar hamda ularni hisoblash va baholash haqida batafsil maʼlumotlar berildi.

Tashkil etilgan seminar soʻngida masʼullar ishtirokchilar tomonidan berilgan savollarga batafsil javob berishdi.