Viloyat hokimi Ulug‘bek Qosimovning topshirig‘iga asosan Angor tumanida muammoli kreditlarni undirish va faoliyati to‘xtatilgan korxonalarning faoliyatini o‘rganish komissiyasining yig‘ilishi bo‘lib o‘tdi.

Unda tuman hokimi Qosim Mardonov, komissiya a’zolari va mahallalarda faoliyat olib borayotgan 36 nafar hokim yordamchilari ishtirok etdi.

Yig‘ilishda tadbirkorlikni rivojlantirish bo‘yicha ajratilayotgan mablag‘lardan maqsadli va samarali foydalanish yuzasidan nazorat tadbirlari o‘tkazish hamda muammoli kreditlarni bartaraf etish bo‘yicha topshiriqlar berildi.