Angor tumanida “Ayollar daftari”ga kiritilgan xotin-qizlar bandligini ta’minlash, ularning oilaviy sharoitlarini yaxshilash maqsadida ochiq muloqot o‘tkazildi. Unda tuman hokimining o‘rinbosari, Mahalla va oilani qo‘llab-quvvatlash bo‘limi boshlig‘i Shoira Rajabova, birinchi sektor kotibi Orifjon Qurbonov, mahalla xodimlari va OAV vakillari ishtirok etdilar. 

 Muloqot davomida xotin-qizlarning qiziqishlaridan kelib chiqib bandligini ta’minlash, tadbirkorlikka jalb qilish,   imtiyozli bank kreditlaridan samarali foydalanish, biznes loyihalarini shakllantirishda ko‘maklashish masalalarida tushuntirish ishlari olib borildi.

Shuningdek, ishtirokchilarni qiziqtirgan barcha savollarga javob berildi.