Ангор туманининг биринчи секторига қарашли “Қорасув” маҳалласида яшовчи Шавкат Муқимов турмуш ўртоғи билан биргаликда  3 нафар фарзандни вояга етказиб келмоқда. Уларнинг оилавий шароити маҳалла томонидан ўрганилиб, “Темир дафтар”га киритилган эди. Шу сабабли уларга субсидия асосида 1 сотихли иссиқхона қуриб берилганди. Ҳозирги кунда улар иссиқхонада бодринг, помидор ва булғор қалампири етиштириб ҳосил олишмоқда.

-Иссиқхона қурилганидан буён иккинчи ҳосилни йиғиб оляпмиз. Маҳалламиздаги дўконларга ва бозорга маҳсулотларимизни топширамиз. Эндиликда доимий иш билан бандмиз. Оиламиз даромадини яхшилаб олганимиздан кейин “Темир дафтар”дан чиқарилдик. Бизни қўллаб-қувватлагани учун сектор раҳбаримизга катта раҳмат,-дейди хонадон бекаси  Мақсуда Шералиева.