Ангор туманидаги “Ишга марҳамат” мономарказида «Очиқ эшиклар куни» ташкил этилди. Умумтаълим мактаблари битирувчи синф ўқувчилари қатнашган тадбирда Бандлик ва меҳнат муносабатлари вазири Хусанов Нозим Бахтиёрович ҳамда туман ҳокими Шоҳжаҳон Абдуллаев ҳам иштирок этди. Дастлаб, ёшларга банд бўлмаган аҳолига хизмат кўрсатувчи “Ишга марҳамат” мономарказида фуқароларни 23 та касб ва чет тилларга ўқитиш орқали маҳаллий ва хорижий иш берувчиларнинг талабларига мос равишда малакали мутахассислар тайёрлаш бўйича яратилган шароитлар ва имкониятлар ҳақида маълумотлар берилди.

Шундан сўнг, тадбир иштирокчилари мономарказ фаолияти билан яқиндан танишдилар.