Бугун Ангор туманида кўкаламзорлаштириш ишларини янада жадаллаштириш мақсадида «Яшил макон» умуммиллий лойиҳасига старт берилди.

Туманда лойиҳа доирасида кузги мавсум давомида 425 минг мевали ва манзарали дарахт кўчатларини экиш режалаштирилган

Жумладан, туманнинг Каттақум маҳалласида “Ҳокимлик боғи” ташкил этиш учун 3.5 гектар ер майдони ажратилиб, кўчат экиш тадбирлари амалга оширилмоқда. Янги ташкил этилаётган “Ҳокимлик боғи”га бугун туман ҳокимлиги, корхона ва ташкилотлар вакиллари, фахрийлар ва ёшлар иштирокида 500 туп турли хил кўчатлар экилди.