100 nafar yoshlar ishga qabul qilindi

    Bugungi kunda  Angor tumanida 134 ming 707 nafar aholi istiqomat qiladi. Shundan 33 ming 334 nafarini 18-30 yoshgacha bo‘lgan yigit-qizlar tashkil qiladi. Ushbu yigit-qizlarning 3 ming 614 nafari “Yoshlar daftari”ga kiritilgan. Tumanda yoshlar daftariga kiritilgan ishsiz, kam ta’minlangan oilalar farzandlariga yordam ko‘rsatish maqsadida ularga hunar o‘rgatish va ularning o‘zini o‘zi band qilish borasida ham amaliy yordam berib kelinmoqda.

   Birinchi sektor hududiga qarashli mahallalarda yashovchi 1141 nafar yigit-qizlar “Yoshlar daftari”ga kiritilgan. Ularning 100 nafari «Angor Surxon g‘ururi» MChJ paxta-to‘qimachilik klasteriga ishga qabul qilindi. Shuningdek, yana 30 nafari jami 130 nafar yoshga  50 sotixdan yer ajratilishi rejalashtirildi. Ushbu yoshlarning 50 nafar mosh, 50 nafari makkajo‘xori va 30 nafari poliz mahsulotlarini yetishtirish taklifini berishdi. Ularning takliflarini qo‘llab-quvvatlash maqsadida tuman hokimligi tomonidan qishloq xo‘jaligi mahsulotlarining urug‘lari olib berildi.