Yoshlar ertamiz

Prezident Shavkat Mirziyoev raisligida 2019 yilning 23 avgust kuni xalq ta’limi tizimini rivojlantirish, pedagoglarning malakasi va jamiyatdagi nufuzini oshirish, yosh avlod ma’naviyatini yuksaltirish masalalariga bag‘ishlangan videoselektor yig‘ilishi bo‘lib o‘tgan edi. Yig‘ilishda vazirlik va idoralar, mahalliy davlat hokimiyatlari rahbarlari va ularning o‘rinbosarlari, sektor rahbarlari o‘quv muassasalarini otaliqqa olish bo‘yicha ko‘rsatmalar berilgan edi. Ushbu topshiriqqa asosan Angor tumanidagi 26-sonli umumta’lim maktabi Ichki ishlar bo‘limi boshlig‘i, uchinchi sektor rahbari Murod Boltaevga biriktirilgan.

     Bugun sektor rahbari Murod Boltaev hamda tuman hokimi o‘rinbosari Jamshid Choriev 26-sonli umumta’lim maktabida bo‘lib, bitiruvchi o‘quvchilar bilan suhbat o‘tkazdi. Suhbat davomida o‘quvchilar o‘zlarini qiziqtirgan savollarga javob olishdi. Shuningdek, maktab o‘quvchilariga kitoblar jamlanmasi va sport anjomlari topshirildi.

А